ХАШААТ

Слайд шоу

no_email@coo.mn (erka_jack) — Mon, 23 Mar 2009 12:24:00 +0800

Архангай аймаг

no_email@coo.mn (erka_jack) — Fri, 20 Mar 2009 12:10:00 +0800

Архангай аймаг, Тариат сум - ХОРГЫН ТОГОО

Өвөрхангай аймгийн УЛААН ЦУТГАЛАН буюу Орхоны хүрхэрээ

Архангай аймгийн ИХ ТАМИР сумын ТАЙХАР чулуу

Хашаат сумын товч танилцуулга - 2

no_email@coo.mn (erka_jack) — Fri, 20 Mar 2009 11:35:00 +0800

Сумын нутаг далайн түвшингээс дээш 1200м өндөрт өргөгдсөн, эх газрын эрс тэс уур амьсгалтай. Нэгдүгээр сарын дундаж температур -200С, долдугаар сарын сарын дундаж температур +180 - +200С, жилд дунджаар 250-300мм тундас унадаг. Хөгшин Орхон, Тарнын голуудаас гадна Долооно, Ар, Өвөр хөөвөр, Гашуун, Зүлэгтий, Төмөртий зэрэг жижиг гол горхи, булаг шанд, Цайдамын нуур, Цагаан нуур зэрэг хужир элбэгтэй нуур, тойром бүрд, тал газрын уул, нуруу, толгод, хөндий хоолой хосолсон тал хээрийн бүсийн нутаг багтана. Их, бага Номгон, Сайрт, Бэрх, Зараа зэрэг уул нуруутай, тарвага, зурам, хонин гүрвэл, могой, зараа, үнэг, хярс, туулай, мануул, дорго, чоно зэрэг ан амьтад, төрөл бүрийн загастай, тас, сар, бүргэд харцага, тагтаа, шар шувуу, хэрээ, шаазгай, болжмор, зэрэг шувуудаас гадна нүүдлийн турлиах, элээ, галуу, нугас, ангир, хун, тоодог, тогоруу, цахлай зэрэг шувууд зусдаг. Мөн шатдаг занар болон төмрийн хүдэр зэрэг баялагтай. Сүүлийн жилүүдэд гол горхи нь ширгэж хатсан байдалтай болж, ан амьтан нь ховордсон.

Зурагнууд

no_email@coo.mn (erka_jack) — Fri, 20 Mar 2009 11:29:00 +0800

Энэ бол манай суманд байдаг суврагнуудын нэгээхэн хэсэг нь. Үүнээс гадна өөр олон суврага бий. Жишээ нь БҮГДИЙН овооны чанх зүүн хэсэгт байрлах уулын орой дээр 9 ширхэг суврага байдаг.

Зураг

no_email@coo.mn (erka_jack) — Fri, 20 Mar 2009 11:14:00 +0800

Энэ бол ХАШААТ сум. Улаанбаатар хотод амьдарч байгаа бидний хувь бол асар жижигхэн мэт ... Гэхдээ хөдөөгийн амьдрал, хүн зон, байгаль гэх мэт бүх зүйлийг хотынхтой харьцуулахад харагдах байдлаасаа хэд дахин илүү зүйлийг мэдрүүлдэг юм шүү. Тухайлбал: цэвэр агаар, өргөн уудам тал нутаг, байгаль, гэх мэт. Дээр нь нэмээд хэлхэд хөдөөгийнхөн хотынхныг бодвол хээ шаагүй юм шүү ...
Их жижигхэн харагдаж байнадаа ...

Хашаат сумын товч танилцуулга

no_email@coo.mn (erka_jack) — Fri, 20 Mar 2009 11:07:00 +0800

Түшээт Хан аймгийн Хангай Хайрхан хошуу буюу одоогийн Хашаат сум нь Монгол орны төвийн хэсэгт оршдог, Архангай аймгийн хамгийн зүүн урд захын сум юм. Улаанбаатар хотоос 320км, аймгийн төвөөс 180км алслагдсан, баруун талаараа өөрийн аймгийн Хотонт, хойд талаараа Өгийнуур, зүүн хойд талаараа Булган аймгийн Гурванбулаг, зүүн урд болон баруун урд талаараа Өвөрхангай аймгийн Бүрд, Хархорин сумуудтай тус тус хил залган оршдог.
Газар нутгийн хувьд хамгийн өндөр цэг нь өмнөд хэсгийн Их Номгон уул (далайн түвшингээс дээш 1600м өргөгдсөн) бөгөөд нутгийн ихэнх хэсгийг Хөгшин Орхон, Лүн, Баян, Жаргалантын хөндий эзэлдэг. Тариалангийн болон хадлангийн 4800 га талбай, малын бэлчээрийн 262 мянган га талбайтай. Улаан бор хөрстэй, тал хээрийн бүсэд багтдаг.

Миний өссөн нутаг

no_email@coo.mn (erka_jack) — Fri, 06 Mar 2009 14:44:00 +0800

Манай сумын ХАШААТ гэдэг.
Байгалийн үзэсгэлэнт болон дурсгалт газрууд, найрсаг тусархаг хүн зон, алдартан зэрэг олон зүйлсээрээ алдартай.
Улаанбаатар хотоос 320 км-т байдаг
Орхон гол, Түргийн хөшөө, мөн элсэн тасархай, Эрдэнэзуу хийд зэргийг үзэх, аялаж амрах боломжтой.
МАХН-ын анхны үүр баригдаж байсан.
Айраг цагаан идээ илбэгтэй.
Цайдам, Цагаанхад, Номгон,Жаргалант, Баян гэсэн таван багтай. 3000 гауй хүн амтай, 5-н хошуу мал нь тал дүүрэн бэлчсэн жаргалын орон юм.
Та бүхнийг урьж байна!